विश्व स्वास्थ्य संगठनले युरोपेली मुलुकहरुमा अब कोरोनाभाइरसका कारण थप समस्या हुनसक्ने चेतावनी दिएको छ । अहिलेको अवस्था चिन्तित हुनु पर्ने अवस्था भएको भन्दै स्वास्थ्य संगठनले युरोपले विशेष चासो दिनु पर्ने बताएको छ ।

विश्व स्वास्थ्य संगठनका निर्देशक हान्स क्लुगले पछिल्ला दुई साता युरोपमा देखिएका नयाँ संक्रमितका कारण अब चनाखो हुनु पर्ने बताएका छन् । 

‘हाम्रो अगाडि निकै चिन्ताजनक अवस्था र समय छ,’ उनले भनेका छन् । 

अब विश्वमा कोरोना संक्रमितको संख्या ३० करोड नाघेको छ । ९ लाख ४२ हजारभन्दा धेरै मानिसले यो महामारीका कारण ज्यान गुमाएका छन् । गत वर्ष चीनको वुहानमा पहिलो पटक देखिएको कोरोनाभाइरस संक्रमण गत साता युरोपमा ३ लाखभन्दा बढीमा देखिएको थियो । यो युरोपमा गत मार्चभन्दा बढी देखिएको संक्रमित संख्या हो ।