युनाइटेड अरब इमिरेट्सका कयौँ आकर्षणमध्ये एक हो, दुबईमा रहेको बुर्जखालिफा । बुर्ज खालिफा यसकारण पनि चर्चित छ कि यो विश्वकै सबैभन्दा अग्लो टावर हो । 
यही टावरमा आज नेपालको झन्डा फहराएको छ । 

विशेष अवसरहरुमा यो टावरमा विभिन्न प्रतीकहरु राख्ने गरिन्छ । त्यही क्रममा नेपालको संविधान दिवसको अवसरमा आज साँझ त्यहाँ नेपालको झन्डा फहराइएको हो । 

एक मिनेट बुर्जको त्यो उज्यालोमा नेपालको झन्डा फहराउँदा वरपर निकै धेरै नेपालीहरु झुम्मिएका थिए । नेपाली दूतावासको अनुरोधमा यसो गरिएको हो । यसअघि गत वर्ष पनि बुर्ज खालिफामा नेपाली झन्डा फहराएको थियो ।