वामदेव गौतमलाई राष्ट्रिय सभामा नियुक्त गर्नु कानुनसम्मत नरहेको भन्दै सर्वाेच्च अदालतमा परेको रिटको आज सुनुवाइ हुने भएको छ । सर्वोच्चका न्यायाधीश आनन्दमोहन भट्टराईको एकल इजलासमा आज सुनुवाइका लागि पेशी तोकिएको छ ।
रिट निवेदकका कानुन व्यवसायी बहस गर्ने तयारीमा छन् । सरकारी वकिलले आज बसह नगर्ने भएका छन् । यस प्रक्रियालाई रोक्न अन्त्रिम सर्वाच्चले अन्तरिम आदेश दिएमा गौतमका कारबाही रोकिने छ । भने अन्तरिम आदेश जारी नभए उनलाई राष्ट्रिय सभाको बैठकमा सहभागी हुन मन्त्री बन्नका लागि समेत बाटो खुल्नेछ ।
अधिवक्ता दिनेश त्रिपाठी र बद्रीराज भट्टले दायर गरेको दुई वटा रिटको पेसी आज चढेको हो।
रिटमा वामदेवलाई राष्ट्रियसभा सदस्य मनोनीत गरेको सिफारिस बदर गरी मन्त्री तथा सांसदको रूपमा कार्य न गराउनू भनिएको छ ।
रिटको अन्तिम टुंगो नलागेसम्म उनलाई राष्ट्रियसभा सदस्यको हैसियतले काम गर्न नदिन र मन्त्रिपरिषदमा सामेल नगर्न अन्तरिम आदेश पनि माग गरिएको छ।
राष्ट्रपति कार्यालय, प्रधानमन्त्री तथा मन्त्रिपरिषद कार्यालय, राष्ट्रियसभा सचिवालय, नेपाल कम्युनिस्ट पार्टी र वामदेव गौतमलाई विपक्षी बनाइएको छ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
