नेपाली बजारमा सुनको मूल्य बुधवार पनि ओरालो लागेको छ ।

नेपाल सुनचाँदी व्यवसायी महासंघका अनुसार बुधवार सुनको मूल्य अघिल्लो दिनको तुलनामा तोलामा १ हजार २ सय रुपैयाँ घटेको हो । 

मूल्य घटेसँगै  छापावाल सुन प्रतितोला ९४ हजार ३ सय रुपैयाँ र तेजाबी सुन ९३ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यसअघि मंगलवार पनि सुनको मूल्यमा तोलामा १७ सय रुपैयाँले घटेकोे थियो । मंगलवार छापावाल सुन प्रतितोला ९५ हजार ५ सय र तेजाबी सुन प्रतितोला ९५ हजार रुपैयाँमा कारोबार भएको महासंघले जनाएको छ । 

बुधवार चाँदीको मूल्य पनि ४० रुपैयाँले घटेर प्रतितोला ११ सय ९० रुपैयाँमा कारोबार भइरहेको छ ।

अन्तरराष्ट्रिय बजारमा सुनको मूल्यमा गिरावट आइरहेकाले त्यसको प्रत्यक्ष असर नेपालमा परेको सुनचाँदी व्यवसायीको भनाइ छ ।