केही निजी कलेजले विद्यार्थीहरुलाई कोरोना परीक्षणको नेगेटिभ रिपोर्ट नदेखाई परीक्षामा बस्न नपाउने निर्णय गरेपछि स्वास्थ्य मन्त्रालयले लक्षण नै नदेखिका कुनै पनि विद्यार्थीलाई पिसिआर परीक्षण नगराउन आग्रह गरेको छ ।
मन्त्रालयको प्रवक्ता प्रा.डा. जागेश्वर गौतमले निजी कलेजले विद्यार्थीलाई पिसिआर परीक्षण गराएर मात्र परीक्षाका लागि सहभागी गराउने निर्णय गरेको भन्दै त्यसो नगर्न उनले आग्रह गरेका हुन् ।
परीक्षाअगाडि विद्यार्थीलाई पिसिआर परीक्षण गराउनु कुनै पनि वैज्ञानिक आधारले पुष्टि नगर्ने भन्दै उनले निजी कलेजका निर्णय कार्यान्वयन नगर्न र नगराउन अनुरोध गरेका हुन् ।
तोकेका व्यक्तिबाहेकलाई परीक्षण गराउनु वा गर्न लगाउनु अवैधानिक मानिने मन्त्रालयले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।