कोरोना भाइरसको पिसिआर परीक्षणका लागि तोकेको भन्दा बढी शुल्क लिने निजी प्रयोगशाला तथा अस्पताललाई कारबाही हुने भएको छ । स्वास्थ्य तथा जनसङ्ख्या मन्त्रालयले यसबारे गृह मन्त्रालयलाई पत्राचार गरेको छ ।
सरकारले तोकेको भन्दा बढी शुल्क लिने निजी प्रयोगशाला तथा अस्पताललाई कारबाही गर्न गृह मन्त्रालयलाई पत्राचार गरिएको मन्त्रालयका सहप्रवक्ता डा. समीरकुमार अधिकारीले जानकारी दिएका हुन् ।
सरकारले पिसिआर परीक्षणका लागि दुई हजार निर्धारण गरेको छ । तर, केही निजी प्रयोगशाला तथा अस्पतालले पिसिआर शुल्कबापत तीन हजार ८९९ लिँदै आएकाले उनीहरु कारबाहीको दायरामा आउने भएका हुन् ।
ती ल्याबले विज्ञप्ति नै बढी शुल्क लिने घोषणा गरेका थिए । सरकारले तोकेको शुल्कमा पिसिआर परीक्षण गर्न नसकिने उनीहरुको जिकिर थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।