कोरोनाभाइरस संक्रमित अमेरिकी राष्ट्रपति डोनाल्ड ट्रम्प सोमबार अस्पतालबाट डिस्चार्ज हुनसक्छन् । उनको उपचारमा संलग्न चिकित्सकहरुले यो जानकारी दिएका हुन् ।

यसअघि आइतबारमात्रै ट्रम्पको स्वास्थ्य थप खराब भएपछि उनलाई अक्सिजन र विभिन्न औषधी दिइएको थियो । तर, उनको स्वास्थ्यमा ठूलो सुधार आइसकेको भन्दै उनलाई सोमबार नै अस्पतालबाट डिस्चार्ज गर्न सकिने चिकित्सहरुले बताएका हुन् ।

ट्रम्प र उनकी श्रीमती मेलानिया ट्रम्पलाई केही दिनअघि कोरोना संक्रमण पुष्टि भएको थियो । उनलाई शुक्रबार वाल्टर रिड अस्पतालमा भर्ना गरिएको थियो । त्यहाँ उनलाई एन्टीबडी औषधी दिइएको थियो ।