पूर्वप्रधानमन्त्री झलनाथ खनालले ३२ वर्षअघि निधन भएकी आफ्नी आमाको सम्झनामा लेखेको कविता अब भिडियोमा आएको छ । 

क्यान्सर रोगले पीडित खनालकी आमा मधुमाता खनालको २०४५ साल असार ३० गते ठूलो एकादशीको दिन निधन भएको थियो ।

उनको उपचारका लागि धेरै प्रयत्न गर्दा पनि निको नभएर आमाको मृत्यु भएपछि तत्कालीन मालेका महासचिव खनाललाई मर्माहित बने । यतिसम्म कि भूमिगत भएकै कारण उनी आमाको अन्तिम श्रद्धाञ्जलीमा उपस्थित हुन सकेका थिएनन् । 

सोही घटनाको सिलसिलामा आमालाई श्रद्धाञ्जली दिँदै पूर्वप्रधानमन्त्री खनालले सो कविता लेखेका हुन् । सोही कवितामार्फत उनले आफ्नो आमालाई अन्तिम श्रद्धाञ्जलि दिएका थिए ।