कोरोना संक्रमणबाट सप्तरीमा एक जनाको मृत्यु  भएको छ ।  कञ्चनरुप नगरपालिका–२ बरमाझियाकी ४६ वर्षीया महिलाको बिहीबार घरमै मृत्यु भएको  स्वास्थ्य कार्यालय सप्तरीले जनाएको छ। 

स्वास्थ्य कार्यालयका अनुसार क्यान्सर रोगबाट पीडित रहेकी ती महिलालाई  बिपी कोइराला स्वास्थ्य विज्ञान प्रतिष्ठान धरानमा उपचारका क्रममा असोज २६ गते गरिएको पिसिआर परीक्षणमा कोरोना संक्रमण देखिएको थियो । 

क्यान्सरको समस्याबाट समेत गम्भीर अवस्थामा पुगेकी संक्रमित महिलालाई अस्पतालले उपचार सम्भव नभएको भन्दै घर पठाएको थियो । बिहीबार बिहान घरमै महिलाको मृत्यु भयो ।