आज नेपालमा कोरोना संक्रमण र मृत्युमा नयाँ रेकर्ड बनेका छन् । देशभर थपिएका संक्रमित र काठमाडौं उपत्यकामा तीन जिल्लामा थपिने संक्रमितको संख्या अहिलेसम्मकै उच्च रहेको छ । त्यसैगरी नेपालमा कोरोना संक्रमणबाट २४ घण्टामा मृत्यु हुने संक्रमितको संख्यामा पनि नयाँ रेकर्ड बनेको छ । 

स्वास्थ्य मन्त्रालयले दिएको जानकारी अनुसार पछिल्ला २४ घण्टामा देशभर २६ जना संक्रमितको मृत्यु भएको छ । २४ घण्टामा गरिएको पीसीआर परीक्षणको संख्या पनि हालसम्मकै उच्च रहेको छ । 

पछिल्लो २४ घण्टाका रेकर्ड

पिसिआर परीक्षण संख्या : २०, ११८
देशभर थपिने संख्या : ५,७४३
काठमाडौं उपत्यकामा थपिने संख्या : ३,१०७
मृत्यु हुने संक्रमितको संख्या : २६ 

नेपालमा हालसम्म कुल संक्रमितको संख्या  १ लाख ४४ हजार ८७२ पुगेको छ ।