नेपालीहरुको सबैभन्दा ठूलो चाड पनि मानिने दशैंको आज सातौं दिन हो । १५ दिनको यो चाडवाड कोरोनाभाइरस महामारी हुँदैनथ्यो भने निकै उल्लास र उत्साहका साथ अहिले मनाइएको हुन्थ्यो ।

तर, अहिले विश्व महाव्याधिका कारण दशैं पनि सुनसान बनेको छ । 

सुनसान नै किन नहोस्, यो दशैंमा पनि यसअघि जस्तै शुभकामना आदन प्रदान चाहिँ भइरहेको छ । देशका प्रधानमन्त्री केपी शर्मा ओलीले पनि आज शुक्रबार विहान देशवासीलाई शुभकामना दिएका छन्, बडा दशैंको । दशैंमा प्रधानमन्त्री ओलीले शुभकामना दिएका हुन्, सामाजिक सन्जालमा एउटा तस्वीर राखेर । 

प्रधानमन्त्रीको यो शुभकामनाको तस्वीरमा राखिएको नेपालको निशान छाप भने पुरानो नै परेको छ । पुरानो अर्थात् यसमा राखिएको छैन, नेपालको नयाँ नक्सा । 

लामो समय पछि भारतले अतिक्रमण गरेको नेपालको भूमि नेपाली नक्सामा समेटिएको थियो । यो नेपालको नयाँ नक्सालाई संसदबाट पनि पारित गरिएको छ । तर, प्रधानमन्त्री ओलीले दिएको शुभकामनामा प्रयोग गरिएको निशाना छापको नेपाल नक्सामा नेपालमा अब समेटिएको लिम्पियाधुरा क्षेत्र देखिएको छैन । 

लिम्पियाधुरा नभएको नक्सा राखेपछि प्रधानमन्त्री ओलीको शुभकामना नचाहिने तर नेपालको सही नक्सा प्रयोग भएको हुनु पर्ने माग सामाजिक सन्जालमा नै पनि उठेको छ । सामाजिक सन्जालमा प्रयोगकर्ताहरुले आफ्नो भूमि गुमाइएको शुभकामना अहिले नेपाललाई नचाहिने प्रतिक्रिया दिएका छन् । 

हेर्नुहोस्, प्रधानमन्त्री ओलीले दिएको शुभकामना र त्यसमा आएका प्रतिक्रियाः
 

हामी लाई दशै को शुभकामना चहिएको छैन प्र म ज्यु हामी लाई तपाईं को निसान छाप मा लिपियाधुरा काला पनि र लिपुलेक चाहिएको हो होस शुभकामना हजुर लाई नै लागोस 100 बर्ष बाच्नुस तर हाम्रो जमिन राता रात नक्सा बाटै गायब नबानाउनुस

— Nabin pandey (@Nabinpa38848980) October 23, 2020