बलिउड सुपरस्टार साहरुख खानले लामो समय भइसकेको छ, नयाँ फिल्ममा काम गर्ने घोषणा नगरेको । सन् २०१८ मा जिरो फिल्ममा काम गरेपछि साहरुख खानले नयाँ फिल्मको घोषणा गर्न पाएका छैनन् । 

यहीबीच अब उनका प्रशंसकलाई जिज्ञासा लाग्न थालेको छ– के अब साहरुखले कुनै फिल्म गर्ने छैनन् ? 

त्यसैले त अहिले सामाजिक सन्जालमा उनलाई प्रशंसकहरुले सोध्न थालेका छन्– के अब ५० वर्षसम्म पनि नयाँ फिल्मको घोषणा नगर्ने हो ? 

यस्तो प्रश्नमा साहरुखले जवाफ पनि दिएका छन् । उनले भनेका छन्– मेरो जीवन त अब फिल्म खेल्दा खेल्दै ५० वर्षभन्दा बढी भएको छ, कामना गर्छु कि तपाईं फिल्म हेर्दै ५० वर्ष कटाउनुहोस् । उनको यो जवाफलाई उनका प्रशंसकले खुब मन पराएका छन् ।