हरियो सागसब्जीमा एंटीअक्सिडेन्ट, क्यान्सर प्रतिरोधि तत्व र कलेजोमा जम्मा हुने बिषाक्त तत्वलाई नष्ट गर्ने अन्य तत्वहरु प्रशस्त मात्रामा पाइन्छ ।

हाम्रो खेतबारीमा उत्पादन हुने बेथे, तोरी, मेथी, चम्सुर, पालुङ्गो लगायतका सागको प्रयोगबाट शरिरले प्रशस्त मात्रामा भिटामिन र फाइबर जस्ता पोषक तत्वहरु प्राप्त गर्दछ । यसले पाचन प्रणालीलाई बलियो बनाउँन मद्दत गर्छ । हरियो सागपात निरन्तर खानाले आखाको ज्योती तन्दुरुस्त रहन्छ । 

हरियो सागसब्जी बिभिन्न स्वादमा पाईन्छ । फरक स्वाद र सुगन्ध भएको सागसब्जीले झन् सागका पारखीहरुलाई आकर्षण गर्छ ।

गर्मी मौसममा उत्पादन गरिएको सागमा जाडोको तुलनामा धेरै किटाणु हुन्छ । त्यसैले रोगको संक्रमण हुने खतरा पनि बढी हुन्छ । तर जाडो भने सागको सिजन नै हो । जाडो मौसममा सागमा ब्याक्टेरीया निकै कम हुन्छ । सागबाट प्राप्त हुने बायो एक्टिब कम्पाउण्डले क्यान्सरसँग लड्न मद्दत गर्छ । शाकाहारीहरु सागलाई ‘सुपर फुड’ मान्छन् ।