आफूले भन्दै नभनेको कुरा आफूले भनेको भन्दै समाचार प्रकाशन भएकोमा नेकपामा स्थायी समिति सदस्य भीम रावलले आपत्ति जनाएका छन् । सोमबार धनगढीमा आयोजित कार्यक्रममा भीम रावलले बोलेको भन्दै केही अनलाइनले विवादास्पद भनाइको आधारमा समाचार प्रकाशन गरेका थिए ।
ती समाचारमा जनाइए अनुसार ‘ओलीको शरीरमा स्त्रीको अङ्ग मिसिएको हुँदा दिमागले काम गरेन’ भनेर नेता रावलले बोलेको भनिएको छ । ती समाचारहरु धेरैले सेयर गरेपछि रावलको निकै आलोचना भएको थियो । त्यस्ता झूटा समाचार आफूप्रति घृणा फैलाउन गरिएको हर्कत भएको रावलको भनाइ छ ।
‘त्यो निकृष्ट कुरा समाचार लेख्नेको दिमागको उपज हो। मप्रति घृणा फैलाउन गरिएको उक्त कुप्रचारको घोर निन्दा गर्छु। म राजनीतिक भाषा र तथ्यमा विश्वास गर्छु’ रावलले मंगलबार बिहान ट्विटरमार्फत भनेका छन् ।
"ओलीको शरीरमा स्त्रीको अङ्ग मिसिएको हुदा दिमागले काम गरेन" भनी मैले भनेको भन्दै एउटा समाचार माध्यमले गरेको कुप्रचारको भर्त्सना गर्दछु।त्यो निकृष्ट कुरा समाचार लेख्नेको दिमागको उपज हो।मप्रति घृणा फैलाउन गरिएको उक्त कुप्रचारको घोर निन्दा गर्छु।म राजनीतिक भाषा र तथ्यमा विश्वास गर्छु
— Bhim Rawal, PhD (@BhimRawal179) December 29, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।