उपप्रधानमन्त्री ईश्वर पोखरेलले पत्नी सीता दाहालको उपचारका भारत गएका नेकपा अध्यक्ष पुष्पकमल दाहाल ‘प्रचण्ड’लाई श्रीमतीको उपचारको बहानामा राजनीतिक भेटघाटमा नअलमलिन आग्रह गरेका छन् ।
नेकपा सचिवालय सदस्यसमेत रहेका पोखरेलले सोमबार सामाजिक सञ्जालमार्फत यस्तो आग्रह गरेका हुन् ।
भारतीय सञ्चारमाध्यममा प्रचण्डले भारतसँग राजनीतिक सहयोग मागेको भनेर प्रकाशित समाचार उद्धृत गर्दै उनले सीताको उपचारमा अलमल नहोस् भनेर आग्रह गरेका हुन् ।
यस्ताे छ उनकाे स्टाटस
आज कमरेड पुष्पकमल दाहाल ‘ प्रचण्ड ‘ गंभीर अस्वस्थ्यता झेलिरहेकी आफ्नी पत्नी सीता दाहालको उपचारका लागि भारतको मुम्बई प्रस्थान गर्नुभएको छ । सीताजीको स्वास्थ्य लाभको कामना !
हालै भारतीय संचार माध्यमहरूले “ प्रचण्डले नेपालमा देखापरेको राजनीतिक समस्या समाधानका लागि खासगरी नेपाल कम्युनिस्ट पार्टी ( नेकपा ) भित्र देखापरेको समस्या समाधानका लागि भारतसित सहयोगको माग गरे ...” भन्ने समाचारसित जोडिएर सिताजीको उपचारमा कहिंकतै अलमल नहोस् भन्ने सुझाव दिन चाहान्छु ।सिताजी चाँडै स्वास्थ्यलाभ गरी फिर्नुहोस् - हार्दिक शुभकामना व्यक्त गर्न चाहान्छु !
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।