पूर्वी नवलपरासीमा एक मोटरसाइकल रुखमा ठोकिक्दा दुई जनाको मृत्यु भएको छ । नवलपरासी (बर्दघाट सुस्तापूर्व) को कावासोतीमा दुर्घटना भएको हो । 

शुक्रबार राति कावासोती नगरपालिका–८, मोटरसाइकल दुर्घटना हुँदा दुईजनाको मृत्यु भएको हो । 

प्रहरीका अनुसार मृत्यु हुनेमा कावासोती नगरपालिका–३ का २४ वर्षीय हेमराज थापा र कावासोती–८ का २६ वर्षीय सुनिल जैसवाल रहेका छन् । 

सडकमा गुडिरहेको मोटरसाइकल अनियन्त्रित भई एक्कासी सालको रुखमा ठक्कर खाँदा दुर्घटना भएको प्रहरीको भनाइ छ ।