बलिउडमा किङ खान भनेर पनि चिनिन्छ, साहरुख खानलाई । यतिमात्र होइन, कोहीले त उनलाई बादशाहको उपमा पनि दिएका छन् । एउटा समय थियो जतिबेला साहरुख खानले जुन फिल्म खेल्थे, त्यो हिट भइहाल्थ्यो । 

अहिले अलिक पछाडि पर्न थालेका छन्, तिनै खान । त्यसो त साहरुखका यसअघिका पनि विभिन्न फिल्महरु फ्लप भएका छन् । 

साहरुखका फ्लप फिल्मबारे लाइभहिन्दुस्तानले तयार पारेको छ, एउटा समाचार सामग्री । त्यही समाचार सामग्रीमा आधारित भएर यहाँ केही फिल्मको नाम लिइएको छ जुन साहरुखले गरेका थिए तर फ्लप भए । 

यस्तो एउटा फिल्म हो, दिल आशना है । यो साहरुखको करिअरकै समयको फिल्म थियो । त्यस्तै, सन् १९९२ मा साहरुखले अभिनय गरेको फिल्म चमत्कार पनि अर्को फ्लप भएको फिल्म हो । अन्जाम र जमाना दिवाना, पहेली र बिल्लू, फ्यान भन्ने फिल्ममा पनि साहरुखले काम गरेका थिए । तर, यी फिल्म खासै जम्न सकेनन् ।