सुदूर पश्चिमको कञ्चनपुरमा राँगोको आक्रमणबाट एक जनाको मृत्यु भएको छ ।  कञ्चनपुरको पुनर्वास नगरपालिका–२ मोतीबस्तीमा आफ्नै घरमा पालेको राँगाले हान्दा स्थानीयवासी ७२ वर्षीय वासुलाल चौधरीको मृत्यु भएको प्ररहीले जनाएको छ ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाका अनुसार चौधरी बुधबार राति राँगोलाई घाँस दिन गएका थिए । 

घाँस दिन गएका उनलाई राँगोले हानेको थियो । राँगाले हान्दा गम्भीर घाइते भएको चौधरीको केही क्षणमै मृत्यु भएको थियो ।