जनता समाजवादी पार्टीका संघीय परिषद् अध्यक्ष डा. बाबुराम भट्टराईले संसद पुनःस्थापना नभएपनि चुनावमा जान नहुने भन्दै यसले संविधान नै धरापमा पर्नसक्ने ३ वटा कारण दिएका छन् । 

सामाजिक सञ्जालमार्फत डा. भट्टराईले तत्काल चुनावमा जाँदा संविधानमाथिको खतरा रहेको औँल्याएका हुन् । आफूले हार्ने चुनाव कुनै तानाशाहले कहिल्यै गराएको इतिहास नभएको भन्दै उनले चुनाव नहुने बताए । 

फेरि पनि चुनाव भएको खण्डमा यो मध्यावधि चुनावले वर्तमान संविधानलाई २०४७ को संविधानमा परिणत गर्ने डा. भट्टराईको दावी छ । एउटा असंवैधानिक कदम मानेपछि अरू कदम पनि आउने र संविधान सकिने उनको विश्लेषण छ ।

केही मान्छे संसद पुनर्स्थापना नभए पनि चुनावमा जानुपर्छ भन्दैछन्।त्यो किन गलत छ? १.आफुले हार्ने चुनाव कुनै तानाशाहले कहिल्यै गराएको इतिहास छैन;२.भैहालेमा चुनावले वर्तमान संविधानलाई २०४७को संविधानमा परिणत गर्नेछ!३.एउटा असंवैधानिक कदम माने पछि अरू कदम पनि आउनेछन् र संविधान सकिनेछ।

— Baburam Bhattarai (@brb1954) January 29, 2021