तत्कालीन एमालेका नेता तथा नेकपाका विषयमा लगातार टिप्पणी गरिरहेका पुराना वामपन्थी नेता प्रदीप नेपालले प्रतिगमनको विषयमा प्रश्न गरेका छन् । 

सामाजिक सञ्जालमा उनले प्रतिगमनका विषयमा बुझ्न चाहेका छन् । उनले लेखेका छन्, 'अहिलेको प्रतिगमन भनेको के हो, साथी हो ?'

नेकपामा राजनीतिक विभाजनको सुरुवातको समयमा प्रचण्ड-माधव समूहमा रहेका नेता नेपालले अहिले आफ्नो विचारलाई जनताको बहुदलीय जनवादको पक्षमा मुखरित गरिरहेका छन् । 

केही समय अगाडि सामाजिक सञ्जालमार्फत जबज पक्षधरहरु एक हुनुपर्ने बयान दिएका नेपालले नेकपाको एकीकरण पूरा नभएको अवस्थामा अब भेंडा भेंडासँग र बाख्रा बाख्रासँग हुनुपर्ने मत राख्दै आएका छन् ।