भारतमा पछिल्ला दिन कोरोनाभाइरसबाट ठिक हुनेभन्दा संक्रमित हुनेको संख्या बढ्दो छ । भारतका कम्तिमा पनि १३ राज्यमा यो समस्या देखिएको हो । 

यसका कारण भारतमा कोरोनाको संकट फेरि बढ्न थालेको अनुमान गरिएको छ । केही राज्यले त नयाँ प्रतिबन्ध पनि लगाउन थालेका छन् ।

भारतमा कोरोनाभाइरसको नयाँ भेरियन्ट भेटिएको पनि त्यहाँ गरिएका रिसर्चले जनाएका छन् । भारतीय एक संस्थाका अनुसार भारतमा अहिलेसम्म कोरोनाभाइरसका ७ हजार ६ सय ८४ प्रजाति फेला परिसकेको छ । यीमध्ये अहिलेसम्म ६१ नयाँ कोरोनाभाइरस भारतमा मात्र देखिएको हो ।