प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् । सर्वोच्च अदालतले संसद पुनःस्थापना गरिदिएपछि मन्त्रिपरिषद्को बैठक पहिलो पटक बस्न लागेको हो ।
प्रधानमन्त्रीको सरकारी निवास बालुवाटारमा आज साँझ ५ बजेका लागि बैठक डाकिएको प्रधानमन्त्रीका प्रेस सल्लाहकार सूर्य थापाले जानकारी दिए । बैठकमा संसद बोलाउने विषयमा छलफल हुने बताइएको छ ।
आजको बैठकले राष्ट्रपतिलाई संसद बैठक बोलाउन सिफारिस गर्ने सम्भावना रहेको छ । अदालतले गत फागुन ११ गतेको आफ्नो फैसलामा १३ दिनभित्र संसद बोलाउन आदेश दिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
