ला लिगा : सेभियामाथिको जितसँगै बार्सिलोना दोस्रो स्थानमा
फरकधार / १६ फागुन, २०७७

बार्सिलोनाले सेभियामाथि सहज जित निकालेको छ । स्पेनिस ला लिगा फुटबलमा उपाधि दाबेदार बार्साले सहज जित निकालेको हो ।



गएराति भएको खेलमा बार्सिलोनाले सेभियालाई २-० गोल अन्तरले पराजित गर्यो । सेभियाको मैदानमा बार्सिलोनालाई जित दिलाउन कप्तान लियोनल मेस्सी र ओसुमाने डेम्बेलेले एक एक गोल गरे ।

खेलको २९औँ मिनेटमा मेस्सीको पासमा डेम्बेलेले गोल गरे । १-० ले अगाडि रहेको अवस्थामा खेलको ८६औँ मिनेटमा मेस्सीले गोल गर्दै क्याटलान टोलीलाई २-० को सहज जित दिलाए ।

सेभियामाथिको जितसँगै २५ खेलमा ५३ अंक जोडेको बार्सिलोना ला लिगाको दोस्रो स्थानमा उक्लिएको छ । शीर्ष स्थानको एट्लेटिको मड्रिड २ अंकले अघि रहेको छ । सेभिया ४८ अंक जोडेर लिगको चौथो स्थानमा रहेको छ ।



  • प्रकाशित मिति : फागुन १६, २०७७ आइतबार ६:५३:२३,   अन्तिम अपडेट : फागुन १६, २०७७ आइतबार ६:५६:३५

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया