लुम्बिनी प्रदेशका मुख्यमन्त्री तथा सत्तारुढ नेकपाका ओली समूहका नेता शंकर पोखरेलले दुश्चक्रको ​पुनरावृत्ति रोक्नुपर्ने बताएका छन् । पोखरेलले सामाजिक सञ्जालमार्फत यसमा लाग्न सबैलाई आह्वान गरेका छन् । 

संसद पुनःस्थापनापछि उत्पन्न परिस्थितिलाई मनन गर्दै सुझबुझका साथ दुश्चक्रको ​पुनरावृत्ति रोक्नुपर्ने पोखरेलले बताएका छन् । उनले अहिलेको परिस्थितिमा सुझबुझपूर्ण निर्णय गर्नुपर्ने औँल्याएका छन् । 

पोखरेलले २०५२ सालमा अदालतले संसद पुनःस्थापना गरिदिएपछि मुलुकले ब्यहोरेको पीडालाई सम्झनामा राखेको भए परिस्थिति अर्कै हुने भन्दै अब सुझबुझपूर्ण निर्णय आवश्यक भएको बताएका हुन् । 

पोखरेलले लेखेका छन्, भाद्र १२, २०५२ को फैसलापछि मुलुकले ब्यहोरेको पीडा सम्झेको भए परिस्थिति अर्कै हुन्थ्यो । तर नि सुझबुझका साथ दुश्चक्रको पुनरावृत्ति रोकौँ ।