जर्मन बुन्डेसलिगा फुटबलमा बायर्न म्युनिख र बोरुसिया डर्टमण्डले सजह जित निकालेका छन् । बायर्नले एफसी कोल्नमाथि ५० र डर्टमण्डले रेलिगेसन क्षेत्रमा रहेको अर्मेनियामाथि ३–० गोल अन्तरको जित निकालेको छ । 

बायर्नका लागि रोवर्ट लेवान्डोस्की र सेर्गे ग्नावेरीले दुई-दुई तथा इरिक म्याक्सिमले एक गोल गरे । कोल्नका इलियस सिक्रीले एक गोल फर्काए । जितसँगै बायर्नले अंकतालिकाको शीर्षस्थानमा रहँदै दोस्रो स्थानको लेइपेगसँग २ अंकको दूरी कायम गरेको छ । 

यता घरेलु मैदानमा डर्टमण्डले अर्मेनियामाथि जित निकाल्दा महमुद दाहोद, जाडोन सान्चो र रिनिएरले एक एक गोल गरे । जितसँगै डर्टमण्डले २३ खेलमा ३९ अंक जोडेको छ । 

डर्टमण्ड लिगको पाँचौ स्थानमा रहेको छ । अर्मिनिया १८ अंक जोडेर रेलिगेसन क्षेत्रमा रहेको छ ।