नेपाली बजारमा तीन दिनयता सुनको मूल्य क्रमिक ओरालो लागिरहेको छ । गत शुक्रबारको तुलनामा साताको पहिलो दिन आइतबार सुन तोलामा ५ सय रुपैयाँले घटेको छ।

आइतबारका लागि छापावाल सुनको कारोबार मूल्य प्रतितोला ८८ हजार ३ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

गत शुक्रबार पनि ५ सय रुपैयाँले घट्दा प्रतितोला ८८ हजार ८ सय रुपैयाँमा कारोबार भएको थियो।

शुक्रबार  ८८ हजार ३५० रुपैयाँमा कारोबार भएको तेजाबी सुन आइतबार ५ सयले घटेर ८७ हजार ८५० रुपैयाँमा कारोबार भएको छ । 

चाँदी मूल्यमा सामान्य  गिरावट भएको छ। गत शुक्रबारका तुलनामा १० रुपैयाँले घट्दा आइतबार प्रतितोला १ हजार ३२५ रुपैयाँ भएको छ। गत शुक्रबार २० रुपैयाँले घट्दा प्रतितोला १ हजार ३३५ रुपैयाँमा कारोबार भएको थियो ।

अन्तर्राष्ट्रिय बजारमा आइतबार सुन प्रतिऔंस १७३४.७८ डलर र चाँदी २६.६८ डलरमा कारोबार भएको छ।