सत्तारुढ नेपाल कम्युनिष्ट पार्टी (नेकपा) को प्रचण्ड-माधव समूहको स्थायी समिति र केन्द्रीय समितिको बैठक आज बस्दैछ । दुवै बैठक पार्टीको कार्यालय पेरिसडाँडामा बस्दैछ ।
पार्टीको स्थायी समिति बैठक बिहान ११ बजे पेरिसडाँडामा डाकिएका नेकपाले जनाएको छ । सर्वोच्च अदालतको फैसलापछि अबको परिस्थिति र पार्टीको रणनीतिमाथि छलफल गर्नका लागि बैठक बस्न लागेको बताइएको छ ।
त्यसपछि, आजै पार्टीको केन्द्रीय समिति बैठक बस्दैछ । दिउँसो १ बजे बस्ने बैठकमा आफ्नो समूहमा रहेका सबै सदस्यहरुलाई नागरिकतासहित उपस्थितिका लागि आह्वान गरिएको छ ।
केन्द्रीय समिति बैठकमा अब बस्ने संसद बैठकमा पार्टीको रणनीति र प्रधानमन्त्री केपी शर्मा ओलीले राजीनामा नदिएकाले अब चाल्नुपर्ने कदमका विषयमा छलफल हुने एजेण्डा रहेको एक केन्द्रीय सदस्यले दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
