बिहीबार साँझ न्यूजिल्याण्डमा शक्तिशाली भूकम्प गएको छ । नेपाली समयअनुसार बिहीबार साँझ करिब ७ बजेतिर ७.२ रेक्टर स्केलकाे भूकम्प गएको हो । 

न्यूजिल्याण्डको उत्तरी आइसल्याण्डमा भूकम्प गएको हो । भूकम्पछि सुनामीको चेतावनी दिइएको छ । सरकारले उक्त क्षेत्रका वासिन्दालाई सुरक्षित स्थानमा बस्न अनुरोध गरेको छ ।    

न्यूजिल्याण्डको राष्ट्रिय आपतकालीन प्रबन्धन एजेन्सीले शक्तिशाली भूकम्प गएको भन्दै सुनामी आउन सक्ने चेतावनी दिएको छ । एजेन्सीले समुद्री तटमा रहेका व्यक्तिहरुलाई ठाउँ छाड्न आह्वान गरेको छ ।

अमेरिकी भूगर्भ विभागले भने सो भूकम्पको तिव्रता ६.९ म्याग्निच्युड माप गरेको छ । विभागले भूकम्पको केन्द्रविन्दु जिस्बन शहरबाट करिब १७८ किलोमिटर टाढाको जमिनको गहिराइमा परेको जनाएको छ । भूकम्पपछिको क्षति विवरण भने आइसकेको छैन ।