राष्ट्रिय प्रजातन्त्र पार्टीका अध्यक्ष कमल थापाले प्रमुख प्रतिपक्षी दल नेपाली कांग्रेसलाई सत्ता सहकार्यमा नगएर अब नयाँ चुनावमा जानुपर्ने सुझाव दिएका छन् । थापाले सामाजिक सञ्जालमार्फत चुनावमा जान सुझाव दिएका हुन् ।
यसअघिको चुनावमा जनताले स्थायित्व र समृद्धिका लागि कम्युनिष्टहरूलाई मत दिएको थापाले बताएका छन् । आफ्नो अवस्था हेरेर पनि अहिलेका लागि सत्ता सहकार्यमा नलागी नयाँ चुनावमा जानुपर्ने थापाको धारणा छ ।
थापाले नेकपा कुर्सी र पैसाको झगडाले फुटेको र उनीहरुले जनतालाई धोका दिएको धारणा राखेका छन् । त्यस्ता असफल र भ्रष्ट कम्युनिष्टसँग मिलेर सत्तामा जाने कांग्रेसको चाह उदेक लाग्दो भएको थापाले लेखेका छन् ।
अहिले कम्युनिष्टसँग गठबन्धन बनाएर सत्तामा जान नहुने थापाको निष्कर्ष छ । उनले लेखेका छन्, 'कम्युनिष्टसँग मिलेर सरकार बनाउन अस्वीकार गरी कांग्रेस नयाँ चुनावमा जानुपर्छ ।'
गत चुनावमा जनताले स्थायित्व र समृद्धिकोलागि कम्युनिष्टलाई मत दिएका हुन्।नेकपा कुर्सी/पैसाको झगडाले फुट्यो,जनतालाई धोका दियो।त्यही असफल/भ्रष्ट कम्युनिष्टसॅग मिलेर सरकार बनाउने कंग्रेसको चाहना उदेकलाग्दो छ।कम्युनिष्टसॅग मिलेर सरकार बनाउॅन अस्विकार गरी कंग्रेस नयॅा चुनावमा जानुपर्छ
— Kamal Thapa (@KTnepal) March 13, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।