नक्सालकी सुष्मा तामाङ आइवा युथ वर्ल्ड बक्सिङ च्याम्पियनसिपका लागि छनोट भएकी छन् ।
नेपाल बक्सिङ संघले गरेको छनोट प्रतियोगितामा सुष्मा ४८ केजी तौल समूहबाट छनोट भएकी हुन् ।
उनले मंगलबार भएको फाइनलमा आरडिएस क्लबकी रमिला श्रेष्ठ माथि ३–२ स्कोरको कठिन जित दर्ता गरेकी हुन् ।
६० केजी तौल समूहको फाइनलमा बक्समान्डौकी डेचेन शेर्पा र आरडीएस क्लबकी सुमिना खड्काले बुधबार प्रतिस्पर्धा गर्नेछन् ।
डेचेनले मंगलबार झापाकी सुस्मिता राईलाई ५–० सहज स्कोरमा पराजित गर्दा सुमिनाले बाई पाएकी थिइन् ।
युथ वर्ल्ड बक्सिङ च्याम्पियनसिप अप्रिल ११ देखि २३ सम्म पोल्यान्डमा हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।