कोरोना संकट फेरि बढेपछि फ्रान्समा एक महिना लामो लकडाउन घोषणा गरिएको छ। फ्रान्सका राष्ट्रपतिले तेस्रो पटकको लकडाउन २ अप्रिलदेखि लागु हुने बताएका छन्। उनले यो लकडाउन चार हप्ता अर्थात् एक महिनासम्म जारी रहनेछ।

टेलिभिजन सन्देश दिँदै राष्ट्रपति इम्यानुयल म्याक्रोंले यस क्रममा केबल अतिआवश्यक दोकान खोल्न मात्रै अनुमति दिइनेछ। अब यो एक महिना कार्यालयको साटो सरकारी तथा गैरसरकारी कर्मचारीले घरमै बसेर काम गर्नुपर्नेछ 

यसक्रममा सार्वजनिक सभामाथि पूरै प्रतिबन्ध लगाइएको छ। बिना उचित कारण आफ्नो घरभन्दा १० किलोमिटर टाढा जान पनि सर्वसाधरणलाई रोक लगाइएको छ।

फ्रान्स कोरोनाले अवस्था बिग्रिँदै गएको छ। जोन हप्किन्स विश्वविद्यालयका अुनसार यहाँ कुल संक्रमितको आँकडा ४६ लाख ४६ हजार पुगेको छ। यहाँ कोरोनाबाट अहिलेसम्म ९५ हजार ५ सय २ को ज्यान गएको छ। 

विश्व स्वास्थ्य संगठनका अनुसार पछिल्लो पटक एकै दिन फ्रान्समा २९ हजार ५७५ नयाँ संक्रमित थपिएका छन्।