नेपाली बजारमा सुनको माग बढ्न थालेपछि मूल्य पनि बिस्तारै उकालो लाग्न थालेको छ।

नेपाल सुन चाँदी व्यवसायी महासंघका अनुसार बिहीबारको भन्दा शुक्रबार सुन तोलामा ९ सय रुपैयाँले बढेर कारोबार भएको छ । आज छापावाल सुन प्रतितोला ८७ हजार ४ सय रुपैयाँ निर्धारण भएको छ।

गत शुक्रबार सुन प्रतितोला ८६ हजार ३ सय रुपैयाँ थियो । सोमबार २ सय रुपैयाँले बढेर प्रतितोला ८६ हजार ५ सय रुपैयाँ भएको थियो ।

मंगलबार ५ सय रुपैयाँले घटेर प्रतितोला ८६ हजार रुपैयाँ पुगेको सुन बुधबार पनि ४ सय रुपैयाँले घटेर प्रतितोला ८५ हजार ६ सय रुपैयाँमा कायम भएको थियो।  

बिहीबार घट्ने रोकिएर तोलामा ९ सय रुपैयाँले बढेको सुन शुक्रबार पुन: ९ सयले नै बढ्दा यो साता कुल ११ सय रुपैयाँ प्रतितोला बढेको छ ।

चाँदीको मूल्य बिहीबारको तुलनामा तोलामा ३० रुपैयाँले बढेको छ। शुक्रबार चाँदी प्रतितोला १ हजार २४० रुपैयाँमा कारोबार भइरहेको महासंघले जनाएको छ। 

गत शुक्रबार चाँदी प्रतितोला १ हजार ३३० रुपैयाँसम्म पुगेको थियो । सोमबारबाट थोरै थोरै घट्न थालेको चाँदी बुधबार प्रतितोला १ हजार १९५ रुपैयाँमा आइपुगेको थियो।

तीन दिनपछि चाँदीको मूल्य बिहीबार १५ रुपैयाँले बढेर प्रतितोला १ हजार २१० रुपैयाँमा कारोबार भएको थियो । यो साता चाँदीको मूल्यमा ९० रुपैयाँले गिरावट आएको छ ।

अन्तर्राष्ट्रिय बजारमा सुनको मूल्य प्रतिऔंस १७३०.५९ डलर भएको छ। चाँदी प्रतिऔंस २४.९७ डलरमा कारोबार भइरहेको छ। बिहीबार सुन प्रतिऔंस १७११.९४ डलर र चाँदी २४.२८ डलरमा कारोबार भएको थियो।