फ्रेन्च क्लब पेरिस सेन्ट जर्मन र इङ्ग्लिस क्लब चेल्सी च्याम्पियन्स लिगको सेमिफाइनलमा प्रवेश गरेका छन् । गएरातिका खेलमा जित निकाल्दै दुवै टोली लिगको अन्तिम चारमा पुगेका हुन् । 

पिएसजी साविक विजेता बार्यन म्युनिखलाई हराउँदै च्याम्पियन्स लिगको सेमिफाइनलमा प्रवेश गरेको छ । गएराति भएको क्वाटरफाइनलको दोस्रो लेगमा बार्यनले पिएसजीलाई एक शून्यले हराए पनि अवे गोलका आधारमा फ्रेन्च क्लबले अन्तिम चारमा स्थान बनायो ।

पहिलो लेगमा ३२ को जित निकालेको पिएसजी दोस्रो लेगमा एक शून्यको हार व्यहोर्न पुग्यो । खेलको ४०औँ मिनेटमा बार्यनले चोउपो मोटिङको गोलमा अग्रता बनायो ।

मुख्य स्ट्राइकर रोबर्ट लेवान्डोस्कीबिना मैदान उत्रिएको बार्यनले उत्कृष्ठ मौकाहरु पाएपनि थप गोल गर्न सकेन । खेलमा दुवैतर्फबाट थप गोल हुन नसकेपछि अवे गोलका आधारमा पिएसजी अन्तिम चारमा पुुगेको हो । 

FULL-TIME: @PSG_English 0️⃣ - 1️⃣ @FCBayernEN (Agg: 3-3)

We progress into the @ChampionsLeague semi-finals!!! #PSGFCB | 🏆 #UCL pic.twitter.com/wNyiKj7oyA

— Paris Saint-Germain (@PSG_English) April 13, 2021

यस्तै, इङ्ग्लिस क्लब चेल्सी पनि च्याम्पियन्स लिगको सेमिफाइनलमा पुगेको छ । एफसी पोर्टोलाई अवे गोलमा पराजित गर्दै चेल्सीले सात वर्षपछि युरोपियन प्रतियोगिताको अन्तिम चारमा स्थान बनाउन सफल भयो ।

सेभियाको मैदानमा भएको खेलमा चेल्सी दोस्रो लेगमा एक शून्यले पराजित भएपछि पहिलो लेगमा निकालेको दुई एक गोलको जित उसलाई सेमिफाइनलमा पुर्याउन महत्वपूर्ण बन्यो । 

योसँगै चेल्सी आठौं पटक च्याम्पियन्स लिगको सेमिफाइनलमा पुगेको हो । यस्तै पोर्टो नकआउट चरणबाट बाहिरिएको यो १४औँ पटक हो ।