अमेरिकाको रोचेस्टर निवासी गायक निमा तामाङको स्वरमा रहेको ‘हेर्देउन मायाले’ बोलको म्युजिक भिडियो सार्वजनिक भएको छ।  

लोकलयमा आधारित यस गीतमा भद्रकला आङबुहाङ राईको शब्द रहेको छ भने र बादल लिम्बूको संगीत छ । म्युजिक भिडियोमा विल्सन विक्रम राई (तक्मे बुडा) र रजनी गुरुङ बीच प्रेम र रोमान्स प्रस्तुत गरिएको छ। भिडियोमा निमा तामाङ, सुजन राई र विशाल लिम्बूको समेत अभिनय छ ।

पाँचथरको सुन्दर दृश्य समावेश गरिएको यस भिडियोलाई मनोज कार्कीले सम्पादन गरेका हुन्। भिडियोमा विल्सन विक्रम राईको कन्सेप्ट र कोरियोग्राफी रहेको छ। किरण राईको छायांकन र निर्देशनमा भिडियो तयार पारिएको हो। तक्मेबुडा डट कममार्फत भिडियो सार्वजनिक गरिएको हो।