कर्णाली प्रदेशसभामा एमालेको फ्लोर क्रस गरेर मुख्यमन्त्री महेन्द्रबहादुर शाहीलाई विश्वासको मत दिएका एमालेका पूर्व सांसद प्रकाश ज्वालाले फ्लोर क्रस नभएर पार्टीको निर्णयलाई कार्यान्वयन गरेको बताएका छन् ।
एमालेको पोलिटब्युरो सदस्य समेत रहेका ज्वालाले पार्टी नीतिअनुसार नै फ्लोर क्रस गरेको स्पष्टीकरण दिएका छन् ।
पार्टी नीति विपरीत काम गरेको आरोपमा एमालेले ज्वालासहित सांसद अमरबहादुर थापा, नन्दसिंह बुढा, कुर्मराज शाहीलाई पार्टी र सांसद पद मुक्त हुने गरी कारबाही गरिसकेको छ ।
‘कर्णाली प्रदेश सरकारका विषयमा नेकपा (एमाले) केन्द्रीय र प्रदेश कमिटीले कुनै आधिकारिक निर्णय गरेको छैन,’ उनले भने, ‘वर्तमान सरकारको निरन्तरताकै लागि मतदान गरेको हो ।’
यो प्राविधिक र व्यक्तिगत विषय नभइ राजनीतिक निर्णय भएको दाबी गरेका छन् । ‘केन्द्रदेखि स्थानीय तहसम्म समस्या बढाउँदै गुटगत रूपमा पार्टी कब्जा गर्ने रणनीति देखिएपछि त्यसलाई चिर्न यस्तो कदम चाल्नुपरेको हो । अन्याय सहन र आत्मसमर्पण गर्न कम्युनिस्ट पार्टी रोजेको होइन’, उनले थपे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।