कोरोनाको जोखिम बढ्दै गएपछि रियालिटी सो ‘कमेडी च्याम्पियन’ टिमले अनिश्चितकालका लागि सो स्थगित गरेको छ।

बढ्दो कोरोना संक्रमणका कारण कमेडी रियालिटी सो ‘कमेडी च्याम्पियन–२’ अनिश्चितकालका लागि बन्द भएको हो ।

केही समयअघि कमेडी च्याम्पियनकी एक प्रतियोगीलाई कोरोना संक्रमण देखिएको थियो । जसका कारण एक साता सो बन्द भएको थियो ।

निर्देशक विशाल भण्डारीले आफूहरूले जोखिम मोल्न नचाहेको भन्दै अनिश्चितकालका लागि बन्द गरिएको जानकारी दिए । 

पहिलो सिजनबाट नै चर्चामा आएको ‘कमेडी च्याम्पियन’को दोस्रो सिजनका लागि ६ हजारभन्दा बढी डिजिटल अडिसन प्राप्त भएको थियो । 

जसबाट फिजिकल राउण्डदेखि, भोटिङ हुँदै सिजन–२ ले उत्कृष्ट ९ प्रतियोगी पाइसकेको छ ।