नेपाल लोकगीत संगीतका कहलिएका गायक हुन्, पशुपति शर्मा । उनका थुप्रै गीत हिट छन् बजारमा । उनका तीजदेखि हास्य शैलीसम्मका गीत चर्चामा छन् । पछिल्लो समय पशुपति युट्युब र टिकटकमा पनि निक्कै चर्चामा छन् ।
उनको हास्य शैलीको गीत ‘सारंगी र्याई र्याई’ बोलको गीत दर्शक श्रोताले निक्कै रुचाएका छन् । यो गीतमा धेरैले टिकटक बनाएका छन् । पशुपतिकै शब्द संगीत रहेको यो गीत गायनमा पशुपतिलाई गायिका सम्झना भण्डारीले साथ दिएकी छन् ।
गीतको म्युजिक भिडियो पनि हास्य शैलीमा तयार पारिएको छ । म्युजिक भिडियोमा पशुपतिलाई मोडल करिश्मा ढकालले जोडी बनेर साथ दिएकी छन् । पशुपतिको हास्य शैलीको चर्चित भएको गीत यो पहिलो भने होइन । यो भन्दा अघि पनि थुप्रै हास्य शैलीका गीत चर्चित भएका छन् ।
यो गीत दर्शक श्रोताले मन पराएपछि भने पशुपतिले आफूलाई श्रोता दर्शकले हास्य शैलीका गीतमै मन पराएको बताएका छन् । उनले भनेका छन्, ‘म हास्य-व्यङ्ग्य गीतमै ठिक रहेछु । आउँदा दिनमा हास्य विधामै व्यङ्ग्यात्मक गीत सिर्जना गर्ने कोशिस गर्नेछु ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।