नेकपा एमालेबाट निष्कासित नेता भीम रावलले सुदूरपश्चिम प्रदेशका मुख्यमन्त्री त्रिलोचन भट्टको पद जोगाइदिएपछि आफूहरुले विधि र पद्धति सिकाएको बताएका छन्। 

मुख्यमन्त्री भट्टको पक्षमा एमालेबाट निष्कासित माधव नेपाल र रावलनिकट १७ सांसदले मत हालेका थिए। एमालेका सांसदको मत पाएपछि मुख्यमन्त्री भट्ट सुरक्षित भएका छन् 

'सुदूरपश्चिम प्रदेश सभामा विश्वासको मत लिनुपर्ने कुरा जेठ २१ गते उठेपछि जेठ २५ गते नै विश्वासको मत लिने प्रस्ताव गरी सभाको विश्वास प्राप्त गर्नुभएकामा मुख्यमन्त्री त्रिलोचन भट्टजीलाई बधाई', उनले भनेका छन्, 'विधि, विधान र पद्धति मिच्नेहरूले उहाँबाट राजनीतिक नैतिकताको केही शिक्षा लिने कि?'

नेपाल पक्षले एमालेको निर्देशनसमेत उलंघन गर्दै कर्णाली र सुदूरपश्चिममा माओवादीका मुख्यमन्त्रीको पद जोगाइदिएको छ। सुदूरपश्चिममा रावलकै नेतृत्वमा उनीनिकट सांसदहरुले भट्टलाई भोट हालेका हुन्। त्यहाँ कांग्रेस भने तटस्थ बसेको थियो। 

सुदूरपश्चिम प्रदेश सभामा विश्वासको मत लिनुपर्ने कुरा जेठ २१ गते उठेपछि जेठ २५ गते नै विश्वासको मत लिने प्रस्ताव गरी सभाको विश्वास प्राप्त गर्नुभएकोमा मुख्यमन्त्री त्रिलोचन भट्टजीलाई हार्दिक बधाई! विधि, विधान र पद्धति मिच्नेहरूले उहाँबाट राजनीतिक नैतिकताको केही शिक्षा लिने कि?

— Dr. Bhim Rawal (@BhimRawal179) June 8, 2021