न्युजिल्यान्ड निवासी गीतकार तथा गजलकार नमिता दवाडीको शब्दमा रहेको ‘म मजदुर मायाको’को म्युजिक भिडियो सार्वजनिक भएको छ ।

यस गीतमा स्वर र संगीत गायक केशव भावुकको रहेको छ। सेन्टिमेन्टल भर्सनको यस गीतलाई उदय राज पौडेलले संगीत संयोजन गरेका हुन् । लामो समयदेखि संगीत क्षेत्रमा सक्रिय गायक भावुकका यसअघि सयौं गीत बजारमा आइसकेका छन् ।  

प्रेम, विरह र विछोडका कथालाई प्रस्तुत गरिएको भिडियोमा स्वयम् गायक फिचर्ड छन् ।  कोरना कहरका कारण सुस्ताएको संगीत क्षेत्रलाई चलायमान बनाउन जोखिम उठाएर मिहिनेत साथ यो सिर्जना सार्वजनिक गरेको गायक भावुकले बताएका छन् ।

मिराज अर्यालको  छायांकन, सम्पादन र निर्देशनमा भिडियो तयार पारिएको हो । महेश बाबु दवाडीले निर्माता रहेको यस भिडियोलाई गीतकार दवाडीको आधिकारिक च्यानल ‘नमिता दवाडी’ मार्फत सार्वजनिक गरिएको हो ।