प्रधानमन्त्री केपी शर्मा ओलीका प्रेस सल्लाहकार तथा नेकपा एमालेका नेता सूर्य थापाले पूर्वप्रधानमन्त्री डा. बाबुराम भट्टराईमाथि लिम्पियाधुरा समेटिएको नक्सा हेर्नसमेत नसकिएको आरोप लगाएका छन् ।
पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा. भट्टराईले एक टेलिभिजन अन्तर्वार्ताका क्रममा सरकारले उपहार दिएको नेपालको लिम्पियाधुरा समेटिएको नयाँ नक्सामा थपिएको भाग तौलियाले छोपेका थिए ।
सोही विषयलाई लिएर थापाले नयाँ नक्सा डा. भट्टराईले हेर्नै नसकेको बताएका हुन् । थापाले पूर्वप्रधानमन्त्रीहरूको विज्ञप्ति पनि ढोंग भएको बताए ।
थापाले डा. भट्टराईका पछिल्ला भनाइ र गतिविधिले उनी ढाेंगी रहेको देखाएको बताए । उनले ढोंग, पाखण्डीपन र अभिनयको पर्दा यसरी नै च्यातच्यूत भइरहेको पनि उल्लेख गरे ।
थापाले लेखेका छन्, 'लिम्पियाधुरासहितको नेपालको नयाँ नक्सा हेर्नसम्म नसकेको उहाँको यो तस्बिर र दीपक मनाङे बारेका असंगत धारणा देख्दा डा.बाबुराम भट्टराईले आफूलाई आज कहाँनेर उभ्याउनुभएको छ ? सहजै बुझिन्छ ।'
लिम्पियाधुरासहितकाे नेपालकाे नयाँ नक्सा हेर्नसम्म नसकेको उहाँकाे याे तस्बिर र दीपक मनाङे बारेका असंगत धारणा देख्दा डा.बाबुराम भट्टराईले आफूलाई आज कहाँनेर उभ्याउनुभएकाे छ? सहजै बुझिन्छ।
— Surya Thapa (@ThapajiSurya) June 14, 2021
ढाेंग,पाखण्डीपन र अभिनयकाे पर्दा यसरी नै च्यातच्यूत भइरहेकाे छ।
अझै पूर्वप्रमकाे वक्तव्यबाजी ! pic.twitter.com/eeE2Jmu3PU
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।