दक्षिण अमेरिकी राष्ट्र ब्राजिलमा पछिल्लो २४ घन्टामा थप १ हजार ९१७ जनाले ज्यान गुमाएका छन् । यसै गरी पछिल्लो २४ घन्टामा थप ६४ हजार ९०३ जनामा संक्रमण पुष्टि भएको छ ।
कोरोना भाइरसबाट सबैभन्दा धेरै प्रभावित भएको मुलुक मध्येमा ब्राजिल अमेरिकापछि दोस्रो स्थानमा पर्दछ ।
जाेन्स हाेप्किन्स युनिभर्सिटीका अनुसार ब्राजिलमा हालसम्म कोरोना भाइरसबाट ५ लाख १५ हजार ९८५ जनाले ज्यान गुमाइसकेका छन् । यसै गरी भाइरसबाट १ करोड ८५ लाख १३ हजार ३०५ जनामा संक्रमण पुष्टि भइसकेको छ ।
सबैभन्दा धेरै प्रभावित भएको राष्ट्र अमेरिकामा हालसम्म ६ लाख ४ हजारभन्दा धेरैले ज्यान गुमाइसकेका छन् ।
ब्राजिलमा जम्मा १२ प्रतिशत जनसंख्याले मात्र भ्याक्सिनको पूरै डोज लगाएको छ । यसै गरी ३३ प्रतिशत जनसंख्याले पहिलो डोजमात्र लगाएका छन् ।
ब्राजिलका राष्ट्रपति जायर बोल्सोनारो कोरोना भाइरस नियन्त्रण गर्न नसकेको भन्दै चारैतिर उनको आलोचना भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
