लगातारको वर्षापछि आएको पहिरोले नारायणगढ–मुग्लिन सडक खण्ड पुनः अवरुद्ध भएको छ । भरतपुर महानगरपालिका–२९ मा पर्ने सेतीदोभानमा गएराति खसेको पहिरोले सडक अवरुद्ध भएको जिल्ला प्रहरी कार्यालय चितवनले जानकारी दिएको छ । 

प्रहरीका अनुसार बिहानैदेखि पहिरो पन्छाउने काम भइरहेको छ । ठूला–ठूला ढुंगासमेत खसेकाले पन्छाउन कठिन भइरहेको छ । 

बुधबार बिहान ९ बजेदेखि एकतर्फीरूपमा सञ्चालनमा आएको सडक साँझ ६ बजेदेखि दुईतर्फी सञ्चालनमा आएको थियो । 

वर्षायास सुरु भएसँगै यो सडक खण्डमा निरन्तर पहिलो खसिरहेको छ ।