संसद पुनःस्थापना : प्रतिगमन परास्त भएको नेताहरुको प्रतिक्रिया
सर्वोच्च अदालतको संवैधानिक इजलासले प्रतिनिधिसभा विघटन गर्ने राष्ट्रपतिको निर्णयलाई बदर गर्दै संसद पुनःस्थापना गरिदिएको छ । इजलासले निवेदकको माग बमोजिम आदेश जारी गर्ने फैसला गरेको हो ।
अदालतले प्रतिनिधिसभा विघटनलाई बदर गरेर कांग्रेस सभापति शेर बहादुर देउवालाई प्रधानमन्त्री नियुक्त गर्नका लागि परमादेश जारी गरेसँगै नेताहरुले न्याय पाएको प्रतिक्रिया दिएका छन् ।
सामाजिक सञ्जालमार्फत नेताहरुले अदालतको फैसलामार्फत प्रतिगमन परास्त भएको प्रतिक्रिया दिएका हुन् । फैसला आएलगत्तै नेकपा माओवादी केन्द्रका नेता तथा पूर्वमन्त्री जनार्दन शर्माले प्रतिगमन परास्त भएको स्टाटस लेखे ।
त्यस्तै, जनता समाजवादी पार्टीका नेता तथा पूर्वमन्त्री मोहम्मद इस्तियाक राइनले पनि अग्रगमनको विजय भएको स्टाटस लेखे । उनले लेखेका छन्, ‘सर्वोच्चले गर्यो फेरि प्रतिनिधिसभा पुनःस्थापना, देउवालाई प्रधानमन्त्री बनाउन परमादेश, लोकतन्त्र र अग्रगमनको विजय’
राष्ट्रिय प्रजातन्त्र पार्टीका अध्यक्ष कमल थापाले ट्विट गरेका छन्, ‘सर्वोच्च अदालतमा आज गोरु ब्यायो, राजनीतिक फैसला, कार्यान्वनमा जटिलता, देश अस्थिरतामा फस्ने खतरा’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।