सप्तरीमा ७० वर्षीय वृद्धको हत्या गरेको आरोपमा पाँचजना पक्राउ परेका छन् ।

जिल्लाको खडक नगरपालिका-९ का ७० वर्षीय दाउद मियाँको हत्या गरेको आरोपमा सप्तरी प्रहरीले पाँचजनालाई पक्राउ गरेको हो ।

पक्राउ पर्नेहरूमा खडक नगरपालिका ९ का ३२ वर्षीय नजबुल मियाँ, ६० वर्षीय रफुवा मियाँ, ४२ वर्षीइ इजराइल मियाँ, ५५ वर्षीय कालिस मियाँ र उनको छोरा ३२ वर्षीय जाकिर मियाँ रहेका छन् ।

गत शुक्रबार विदेश पठाउँछु भनी ठगी गरेको विषयलाई लिइ विवाद हुँदा दाउदको हत्या भएको थियो । दाउदको हत्यापछि आरोपित पाँचैजना फरार रहेका थिए । प्रहरीले विशेष सूचनाको आधारमा आरोपीहरूलाई पक्रिएको जनाएको छ ।