पोर्नोग्राफिक फिल्म बनाएको आरोपमा पक्राउ परेका अभिनेत्री शिल्पा सेट्टीका पति तथा व्यावसायी राज कुन्द्रालाई प्रहरीले गिरफ्तार गरेको अब एक साता पुगिसकेको छ ।
यस विषयमा प्रहरीले दैनिक कुन्द्रसँग सोधपुछ गरेको छ । भारतीय पत्रिका जनसत्ता अखबारका अनुसार यही विषयमा छानबिन गर्न मुम्बई प्रहरीले अभिनेत्री गहना वशिष्ठ र अन्य दुईलाई प्रहरीकहाँ आउन भनेको थियो । तर, यी तीनै जना आइतबार प्रहरीकहाँ पुगेनन् ।
गहना वशिष्ठले यसअघि राज कुन्द्र पक्राउ परेपछि पोर्न फिल्म र उत्तेजक सामग्रीमा फरक भएको अभिव्यक्ति दिएकी थिइन् । उनले अहिलेसम्म कुन्द्राका तीन फिल्ममा काम पनि गरेकी छिन् । त्यसैले पनि प्रहरीले उनलाई सोधपुछका लागि बोलाएको हो ।
प्रहरीले अहिलेसम्म यस विषयमा ११ जनासँग सोधपुछ गरेको छ ।
भारतीय मिडियाहरुका अनुसार यो विषयमा अब कुन्द्रालाई थप समस्या देखिने भएको छ । सुत्रहरुको हवाला दिँदै भारतीय मिडियाले राज कुन्द्रको कम्पनीका चार जना नै उनीविरुद्ध लागेको बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।