विश्व नम्बर १ सर्बियन खेलाडी नोभाक जोकोभिच टोकियो ओलम्पिक अन्तर्गत पुरुष टेनिस एकलको सेमिफाइनलबाटै बाहिरिएका छन् । 

जोकोभिच एरिएके टेनिस कोर्टमा शुक्रबार भएको दोस्रो सेमिफाइनलमा जर्मनीका  एलेक्सजेन्डर ज्वेरभसँग २-१ को सेटमा पराजित भए । 

पहिलो सेटमा ६–१ को सहज जित हात पारेका जोकोभिचले दोस्रो सेट ६-३ र तेस्रो सेट ६-१ ले गुमाए । 

एलेक्सजेन्डरले स्वर्ण पदकका लागि रुसी खेलाडी करिन खाचानोभसँग प्रतिस्पर्धा गर्नेछन् ।

करिनले स्पेनिस खेलाडी पाब्लो कारेनो बुस्टालाई २-० को सोझो सेटमा पराजित गरे । उनले दुवै सेटमा समान ६-३ को जित हात पारेका हुन् ।