ज्ञानेन्द्र र पारसको  टि-२० वरियता सुधार
फरकधार / २७ साउन, २०७८

अन्तर्राष्ट्रिय क्रिकेट काउन्सिल (आइसिसी)ले निकालेको टि-२० वरियतामा नेपालका ४ खेलाडी अटाएका छन् । 

आइसिसीको वरियताको ब्याटिङतर्फ कुशल भुर्तेल, कप्तान ज्ञानेन्द्र मल्ल र पूर्वकप्तान पारस खड्का तथा बलिङतर्फ सन्दीप लामिछाने अटाएका हुन् । 

आइसिसीको नयाँ वरियतामा ज्ञानेन्द्र र पारसले सुधार गर्दा कुशल र सन्दीप यथास्थानमा छन् । 



कुशल ४४२ रेटिङ प्वाइन्टका साथ ६० औँ स्थानमा यथावत रहँदा ज्ञानेन्द्र ३ स्थान सुधार गर्दै ९४ र पारस ४ स्थान सुधार गर्दै ९० औँ स्थानमा उक्लिएका छन् । 



ज्ञानेन्द्रले ३५७ र पारसले ३६२ रेटिङ प्वाइन्ट प्राप्त गरेका छन् । टि-२० वरियताको ब्याटिङतर्फ इङ्ग्ल्यान्डका डेविड मलान शीर्ष स्थानमा कायम छन् । 

बलिङतर्फ ४०५ रेटिङ प्वाइन्ट प्राप्त गरेका सन्दीप ७७ औँ स्थानमा यथावत रहँदा दक्षिण अफ्रिकाका ताबरेज शाम्सी शीर्ष स्थानमा कायम छन् । 

  • प्रकाशित मिति : साउन २७, २०७८ बुधबार १५:४१:२९,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया