नेकपा माओवादी केन्द्रका अध्यक्ष पुष्पकमल दाहाल प्रचण्ड बिरामी भएको र सामाजिक सन्जालमा ‘गेट वेल सुन’ लेखिएको विषयमा प्रचण्डको सचिवालयले आपत्ति जनाएको छ ।

‘उहाँलाई सामान्य रुघाखोकी लागेको हो,’ उनको सचिवालयका एक सदस्यले फरकधारलाई जानकारी दिए, ‘तर, केही साथीहरुले सामाजिक सन्जालमा गेट वेल सुन लेखेर तस्वीर राख्दा यस विषयमा अनावश्यक हल्ला भएको छ।’

पछिल्लो समय प्रचण्डको परिवारका सदस्य तथा उनको सचिवालयका सदस्यहरुलाई कोरोनाभाइरस संक्रमण भए पनि प्रचण्डलाई संक्रमण भएको थिएन ।

‘उहाँलाई केही भयो भने हामी जानकारी दिइहाल्छौँ,’ सचिवालयका ती सदस्यले भने ।