स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा २,५२५ जनामा कोरोना भाइरस संक्रमण पुष्टि भएको छ । मंगलबार थपिएकासँगै नेपालमा कोरोना संक्रमितको कुल संख्या ७ लाख ५१ हजार १ पुगेको छ । 

मन्त्रालयका अनुसार ९,९०९ जनामा गरिएको पीसीआर परीक्षणमा २,०२० र ४,९०१ एन्टिजेन परीक्षणमा ५०५ जना गरी २,५२५ जनामा संक्रमण पुष्टि भएको हो ।

पछिल्लो २४ घण्टामा २,०८६ जना कोरोना भाइरस संक्रमणमुक्त भएका छन् । यससँगै ७ लाख २ हजार १८३ जना संक्रमणमुक्त भएका छन् ।

पछिल्लो २४ घण्टामा ३५ जनाको मृत्यु भएको छ । योसँगै नेपाल मृत्‍यु हुनेको संख्या १० हजार ५६८ पुगेको छ । 
 
हाल देशभर सक्रिय संक्रमितको संख्या ३८ हजार २५० जना छ। जसमध्ये ३५ हजार १४५ जना होम आइसोलेसनमा, ३ हजार १०५ जना संस्थागत आइसोलेसनमा, ६२० जना आइसियू र १७० जना भेन्टिलेटरमा उपचाररत छन् ।