झापामा माेटरसाइकलले ठक्कर दिँदा एक गर्भवती महिलाकाे मृत्यु भएकाे छ।
मृत्यु हुनेमा भद्रपुर नगरपालिका-९ की २३ वर्षीया दीक्षा प्रसाईं रहेकी छन् ।
जिल्लाकाे भद्रपुर-९ स्थित लक्ष्मी चाेकमा बुधबार राति ८ बजे बा २७ प ६४२२ नम्बरकाे माेटरसाइकलले दीक्षालाई ठक्कर दिएकाे हाे ।
माेटरसाइकलकाे ठक्करबाट गर्भवती दीक्षाको विभिन्न अंगमा चाेट लाग्नुका साथै पेटभित्रको बच्चाको धड्कन नचलेपछि ओम साई पाथीभरा हस्पिटल भद्रपुरले थप उपचारका लागि राति नै लाइफलाइन अस्पताल दमक पठाएको थियो ।
दमक पुर्याउनका साथ उनको मृत्यु भएको थियो ।
मादक पदार्थ सेवन गरी माेटरसाइकल चलाउने मेचीनगर नगरपालिका-१३ का ३६ वर्षीय मनप्रसाद तिवारीलाई प्रहरीले नियन्त्रणमा लिएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
